Видео: Богдановиќ и Индија го срушија шампионот, Јокиќ до дабл-дабл Денвер поразен

Изминатата вечер во НБА лигата беа одиграни осум натпревари.

Никола Јокиќ и Денвер веќе го запишаа вториот пораз во низа. Денвер беше поразен на гостувањето во Тороното 114:110.

На Денвер не му помогна ниту одличниот настап на Јокиќ кој уште на полувремето стигна до дабл-дабл учинок, а на крајот му недостасуваа само две асистенции за трипл-дабл. Јокиќ одигра 40 минути, постигна 29 поени, запиша 16 скокови и подели осум асистенции. Го следеше Милисап со 20 поени, додека Џамал Мареј уфрли 15 поени.

Во редовите на Торонто по 15 поени постигнаа Јонас Валанчиунас и Демар Дерожан. Литванецот додаде и седум скокови, додека Дерожан запиша и осум асистенции.

Индијана како гостин го победи Голден Стејт и така на Вориорси им го нанесе вториот пораз во низа на домашен терен. (81:92)

Голден Стејт подобро го отвори натпреварот и до почетокот на третата четвртина имаа предност, но Индијана тогаш успеа да го анулира заостанувањето. Виктор Оладипо беше најефикасниот во Индијана со 26 поени, шест скокови и асистенции. Тедус Јанг забележа дабл-дабл со 17 поени и 10 скокови, а одличен беше и Богдан Богдановиќ кој натпреварот го заврши со 17 поени, два скока, две асистенции и исто толку блокади.

Во редовите на Вориорси најефикасен беше Ник Јанг со само 12 поени, додека Квин Кук и Андре Игудала додадоа по 11. Треба да се истакне дека шампионот играше практично со втор тим бидејќи на паркетот ги немаше Дурант, Грин, Томсон и Стеф Кари.

Мајами го совлада Кливленд со резулат 98:79. Кеј Олинк беше најефикасен со 19 поени, по 15 уфрлија Џош Ричардсон и Џејмс Џонсон кој запиша и девет скокови. Во Кливленд никој не беше на своето ниво, Леброн Џејмс стигна до 18 поени со шест скокови и седум асистенции, а и тоа како се почуствува отсутвото на Кевин Лав.

Хјустон убедливо го совлада Чикаго со 118:86. Ерик Гордон ја превземе улогата на лидер и стигна до бројка од 21 поен, десет помалку постигна Тревор Ариза, додека Крис Пол запиша дабл-дабл од 13 поени 10 асистенции. Во Чикаго најефикасен беше Марканен со 22 поени.

За овој натпревар на Хјустон не настапи нивниот најдобар играч Џејмс Харден.

НБА резултати:

Вашингтон – Сан Антонио 116:106

Торонто – Денвер 114:110

Хјустон – Чикаго 118:86

Мајами – Кливленд 98:79

Њу Орлеанс – Портланд 103:107

Сакраменто – Далас 97:103

Голден Стејт – Индијана 81:92

Лос Анџелес Клиперс – Милвоки 105:98