„Видал повеќе не е на нивото од Јувентус, карактер има но мора да даде повеќе“

Фудбалерот на Интер Артуро Видал добива критики после поразот од Реал во третото коло од Лигата на шампионите со 3:2.

Последен во низата кој го критикуваше Видал е поранешниот фудбалер на Фиорентина, Тотенхем и Интер, Никола Берти. Тој „Газета дело Спорт“ изјави дека Видал повеќе не е на нивото на кое некогаш беше во Јувентус.

„Првенствено ми недостигаат голови. Има квалитет и искуство, ми се допаѓа како играч, но мора да направи повеќе. Чекаме Видал да постигне гол, а не да греши како против Реал во првото полувреме. Тој е фантастичен карактер, мотор, но мора да даде повеќе. Прво мора да изгуби неолку килограми. Тоа го зборувам отворено и е вистина. Промени неколку клуба, но ниту во Барселона не беше на нивото од Јувентус. Го гледаме како шампион, но мора да даде повееќ“, изјави Берти.