Вејн Руни одговори кој е подобар, Меси или Роналдо и ги изненади сите

Англискиот напаѓач, Вејн Руни по една сезона одлучи да го напушти Евертон и кариерата да ја продолжи во САД.

Пред неколку недели овој искусен фудбалер потпиша договор со ДЦ Јунајтед и така ја исполни желбата еден ден да заигра во американската МЛС лига. Во интервју за американските медиуми, Руни зборуваше за својата кариера, а водителот го интересираше кој е за него подобар, Роналдо или Меси.

Она што многумина ги изненади е тоа дека Руни не запре ниту секунда да размисли за прашањето и како од топ одговори дека за него Меси е најдобар играч во светот. Иако неколку сезони играше со Роналдо во Манчестер Јунајтед на крајот одлучи на играчот на Барселона.

„Кој е подобар? Меси. Тоа се веројатно двајцата најдобри играчи кои некогаш играле фудбал, но едноставно во моите очи Меси е подобар“, изјави Руни.