Ветеранот од Баскија го запиша своето име во историјата на Примера и влезе во друштво на Меси и Раул

Во последните неколку години навистина е чудно кога некој ќе постави рекорд во Примера, а тоа да не е Роналдо или Меси.

Такво нешто се случи во вчерашниот натпревар помеѓу Атлетик Билбао и Алавеш. Фудбалерот на домаќините, Артиз Адуриз во 64 минута погоди од пенал и со тоа влезе во друштвото на Меси и Раул како единствен играч кој постигнал барем еден погодок против 35 екипи во Примера.

Покрај тоа тој стана и единствениот фудбалер кој постигнал гол против секој тим кој се натпреварува во Примера оваа сезона.