Венгер се врати на своето: Мбапе е прескап!

Францускиот стручњак на клупата на Арсенал, Арсен Венгер, изјави дека клубот нема да го доведе Мбапе ова лето.

За услугите на напаѓачот на Монако интерес покажаа повеќе клубови бидејќи одигра фантастично во изминатата сезона, но за многумина младиот напаѓач е прескап.

Еден од клубовите кои нема намера да го доведе поради превисоката цена е и Арсенал, тоа го потврди Арсен Венгер.

„Не е вистина дека ќе го доведеме Мбапе, луѓето само фантазираат. Се што знаеме е дека неговата цена е повеќе од 100 милиони евра. После тоа можете да замислувате што сакате, но ние не сме испратиле понуда до Монако“, изјави Венгер.