Венгер во проблеми, Лион добил фантастична понуда за Лаказет!

Французинот ќе го напушти Лион, но можеби дури во зимскиот преоден рок.

Фудбалскиот клуб Лион откри дека на масата има понуда од Атлетико Мадрид и дека не мора да брза со продажбата на Александар Лаказет.

Напаѓачот е голема желба на Арсенал. Лион е свесен дека нема да може да го задржи, но може да остане до зимскиот преоден рок, односно додека на Атлетико му истече суспензијата од страна на ФИФА.

„Немаме намера да брзаме со продажбата на Лаказет, затоа што секогаш можеме да ја прифатиме понудата од Атлетико Мадрид. Сигурно нема да го продадеме за 50-60 милиони колку што нуди Арсенал, кога Aтлетико нас ни понуди 65 милиони за откуп на први јануари. На Арсенал им соопштивме како стојат работите и сега на нив е да одлучат. Во овој момент Арсенал е далеку од договор и мислам дека Лаказет ќе остане до јануари токму поради понудата од Атлетико“, изјави претседателот на клубот, Жан-Мишел Олас.