Велемајстор: Лука Модриќ со еден потег ја исфрли цела противничка одбрана! (ВИДЕО)

Капитенот на репрезентацијата на Хрватска Лука Модриќ го спаси Реал Мадрид од нова бламажа.

Во 51-та минута од гостувањето во предградието на Мадрид кај Леганес во 32-то коло од шпанското фудбалско првенство, Модриќ мајсторски намести гол за конечни 1:1.

Хрватскиот играч за врска прими топка свртен со грб на дваесетина метри од голот и беше опкружен со двајца чувари. Тешката ситуација во која се најде Модриќ ја реши со само еден „магичен“ допир.

Модриќ со тој потег си направи себеси одлична позиција, но не се одлучи да шутира туку одлично го пронајде Карим Бензема кој реализираше од неговиот втор обид.