Европскиот шампион Вардар оствари рутинска победа против Ал Мудар од Саудиска Арабија (34-27) и се пласираше во полуфиналето на Супер Глоуб.
Почетокот на средбата мина со неколку грешки на двете страни и израмнет резултат, но Вардар после десет минути игра веќе имаше три гола предност. „Црвено-црните“ рутински ја контролираа играта и до полувремето веќе имаат пет разлика 17:12.
Кој ќе биде новиот шампион, Сити или Арсенал? ↓↓↓
Во вториот дел македонскиот шампион продолжи со добрата игра и во 41-та минута веќе имаше двоцифрена предност (27-17), па рутински го доврши мечот и запиша победа од седум гола разлика.
Најефикасен кај Вардар беше Тимур Дибиров со постигнати 6 гола, а Дисингер и Чупиќ дадоа по пет гола.
Во полуфиналето македонскиот шампион ќе се сретне со Кил, а мечот на програмата е утре.