Варан се повреди – Зидан остана без одбрана!

Зинедин Зидан се соочува со големи проблеми пред дуелот со Севиља откако вчера на дуелот против Борусија Дортмунд остана без Рафаел Варан.

Ова е голем удар за Зидан бидејќи за мечот против Севиља остана практично без одбрана. Поради суспензија во тимот нема да бидат Рамос, Каземиро и Карвахал, а од претходно повреден е Хесус Валехо.

„Повредата на Варан не изгледа толку лошо, но нема да игра против Севилја, тоа е сигурно“, потврди Зидан.

Францускиот стратег сега ќе има големи проблеми да ја состави одбраната за мечот против Севиља, па најверојатно ќе биде приморан на стоперското место да игра со играчот за врска Маркос Љоренте, а негов партнер најверојатно ќе биде Начо.