Валчак: Не размислував кога дојде понудата од Вардар, тоа е тим со големи играчи

Патрик Валчак ќе биде новиот пикер на Вардар, а воедно и првиот полски ракометар кој ќе игра за некој македонски клуб.

Валчак доаѓањето во Вардар го потврди за полските медиуми и порача дека не размислувал многу по добивањето на понудата.

„Кога дојде понудата од Вардар не размислував многу. Вардар е клуб кој игра во ЛШ, а тоа со новиот формат е навистина тешка, се натпреваруваат и во СЕХА. Во клубот играат големи играчи како Марко Вујин и Тимур Дибиров очекувам добро искуство. За парите не се грижам, добив гаранција се ќе биде во ред“, изјави Валчак.

Наредната сезона Валчак во Вардар ќе ја дели минутажата со Стојанче Стоилов и Глеб Калараш.