Валверде ја потврди разделбата со напаѓачот

Тренерот на Барселона, Ернесто Валверде потврди дека Мунир Ел Хадади е на излезна врата од „Камп Ноу“.

Шпанецот со марокански корени има договор со Каталонците до крајот на сезоната и со сигурност ќе ја промени средината.

„Изгледа дека Мунир донел одлука, а и клубот исто така. Сакаме што побрзо да се затвори прашањето. Ако може да се реши во зимскиот преоден рок, најдобро“, изјави Валверде.

Валверде не криеше дека Меси и Суарез може да добијат одмор за утрешниот меч во Купот.

„Постои можност да одмараат, но се уште немам донесено конечна одлука. Тимот е во добра состојба, нашата цел е да одиме напред во Купот. Не сакаме да се откажеме од ништо“, заклучи тренерот на Каталонците.

[? LIVE] Ernesto Valverde talks to the press ahead of the trip to Levante #CopaBarça ? https://t.co/8lYS5Da9mv ?? #ForçaBarça pic.twitter.com/jMCs8qaXGy

— FC Barcelona (@FCBarcelona) January 9, 2019