Буфон со последната изјава ги налути навивачите на Јувентус

Џанлуиџи Буфон призна дека Јувентус секогаш ќе биде во неговото срце, но дека ПСЖ го вратил во живот.

Буфон помина 17 години во Јувентус пред што минатото лето се приклучи на ПСЖ и им се заблагодари бидејќи ги отстраниле сите негативности од неговиот живот.

„Мојата авантура во Франција за сега е преубаво искуство. Луѓето можеби мислат дека не сум сериозен, но самото учење на новито јазик ме подигна на повисоко ниво. Зошто ПСЖ? Затоа што им го дадов на располагање сето мое фудбалско знаење. Кога станува збор за мојата иднина, се уште сонувам. А кога сонувате во 41. година од животот можете да се најдете во многу ситуации“, изјави Буфон.

Неговиот тим сигурно и оваа сезона ќе биде шампипон во Франција, а ќе се обиде да направи и исчекор во Лигата на Шампионите.