Буфон: Не размислувам за пензија, играм со голем ентузијазам

Голманот на Парма Џанулиџи Буфон истакна дека не планира да се пензионира иако има 43 години.

Од ова лето легендарниот Италијанец после две децении повторно е помеѓу стативите на Парма. Со своите интервенции на 43 години Буфон го привлекува вниманието.

Она што многумина ги интересира е дали Буфон размислува за пензија.

„Не размислувам за пензија. Сакам да бидам среќен, а мојата глава и тело се добро. Со голем ентузијазам играм. Во овој момент не размислувам за завршување на кариерата. Сфатив колку сум важен за овие луѓе тука. Една од работите поради кои продолжувам да играм е еволуцијата на фудбалот кој ми овозможува да не ми се здосади. Сега сум повеќе вклучен во играта“, изјави Буфон кој во јануари ќе наполни 44 години.