Буфон: На мене и Касиљас ни истекува рокот на употреба!

Легендата на италијанскиот фудбал, Џиџи Буфон истакна дека ќе му биде необично да го гледа голот на Шпанија без неговиот колега Икер Касиљас.

Голот на „азурите“ се уште не може да се замисли без Џиџи Буфон, но шпанската репрезентација вечерва ќе игра против Италија без легендарниот Икер Касиљас.

„Тоа ќе изгледа чудно. Тоа е знак дека ни истекува рокот на траење. Дојдовме до крајот на кариерите, што е нормално. Јас во неа ќе уживам додека можам. Не сакам никакво жалење, чувствувам дека се уште можам да се подобрам “, изјави Буфон.

Буфон потоа истакна дека најголема закана за Италија вечерва ќе претставува Алваро Мората и ќе биде среќен доколку неговиот поранешен соиграч не биде на теренот.