Буфон: Дадов се и добив се од Јувентус, заминувам на крајот од сезоната!

Она што го најавуваат медиумите сега е и потврдено, Џанлуиџи Буфон ќе го напушти Јувентус на крајот од сезоната.

Славниот голман сепак најави дека можеби нема да оди во пензија, можно е кариерата да ја продолжи во друг клуб.

„Донесов одлука да го напуштам Јувентус на крајот од сезоната. Договорот кој ми завршува нема да биде продолжен. Мислам дека дадов се на Јувентус, а исто така и добив се, нема што повеќе. Не знам дали ќе се пензионирам, ќе видиме“, изјави Буфон.

Буфон кој веќе има полни 43 години во Јувентус бранеше од 2001 до 2018 година, а потоа една сезона помина во ПСЖ па се врати во Торино.