Бурно било во Кристал Палас пред дуелот со Арсенал: Се степале Батшуаи и Миливојевиќ!

Кристал Палас вчера успеа да освои бод против Арсенал на „Емирати“.

Во еден скромен меч не видовме голови, но затоа било и тоа како бурно во редовите на гостите пред овој натпревар.

Имено, пред дуелот со Арсенал на тренингот на Кристал Палас дошло до физичка пресметка помеѓу Мичу Батшуаи и Миливојевиќ. Според информациите, Миливојевиќ не бил задоволен од залагањето на Белгиецот и го гаѓал со топка. По тој момент следувала физичка пресметка, како што пишува „Дејли Мејл“ Миливојевиќ завршил на тревата.

Соиграчите реагирали и ги раздвоиле, а Рој Хоџсон одлучил двајцата да поминат без казна.

Инаку, Миливојевиќ во последно време има проблеми со однесувањето. Неодамна ги прекрши Ковид правилата со Александар Митровиќ после што се извинуваше.