Бурниот живот на Кристиано Роналдо: Раскинавме затоа што сакаше ескорт девојки

Кристиано Роналдо веќе десет години е една од најголемите светски ѕвезди во секаков поглед. Иако беше прилично неугледен кога отиде да игра во Манчестер Јунајтед, многу брзо грдото пајче се претвори во лебед и почна да ги заведува сите жени кои му се најдуваат на животниот пат.

Овие денови светските медиуми вријат од изјавите и обвинувањата на Американката која го тужи Роналдо дека во 2009 година ја силувал во хотел во Лас Вегас. Наводно тоа се случило откако Роналдо премина од Манчестер Јунајтед во Реал Мадрид и со тоа ги разочара сите негови обожавателки од Велика Британија.

Една од неговите девојки со која се забавуваше токму таа 2009 година беше Гема Аткинсон. Бујната блондинка во едно интервју раскажа дека првиот состанок со Роналдо бил необичен и дека биле кај неа дома, пиеле чај и гледале „Only Fools and Horses“.

 

View this post on Instagram

 

A post shared by Gemma Atkinson (@glouiseatkinson) on Jul 26, 2018 at 2:29am PDT

Како причина за раскинувањето со Роналдо Гема ги наведе зачестените медиумски написи за тоа дека Кристиано обожава често да посетува проститутки.

Пред Гема, јавноста ја следеше возбудливата врска меѓу Роналдо и Нереида Гаљардо, која обожава се фотографира гола. Роналдо после неколкумесечна врска ја „корпоса“ преку СМС, но Нереида многумина добро ја паметат во морето бивши девојки на познатиот фудбалер.

 

View this post on Instagram

 

A post shared by Nereida Gallardo (@nereidagallardo) on Jul 2, 2012 at 12:45pm PDT

После Гема и Нереида, Роналдо наводно ги завел Парис Хилтон и Ким Кардашиан. Овие врски никогаш не беа потврдени, а после безброј љубовни врски и авантури, изгледаше дека славниот фудбалер конечно го смири љубовниот живот со руската убавица Ирина Шајк, со која почна да живее заедно кога се роди неговиот прв син Кристиано Роналдо Јуниор. Парот пет години помина во врска која се распадна прилично мирно, а Ирина раскажуваше дека славниот фудбалер постојано ја нарушувал нејзината самодоверба.

Со тек на време, децата за Роналдо станаа поинтересна тема отколку девојките. Трите деца кои Кристиано ги доби од сурогат мајки чиј идентитет никогаш не беше откриен во јавноста ја иницираше дилемата и дискусијата зошто еден од најпосакуваните мажи на светот не сака да добие дете со жена која ја сака.

 

View this post on Instagram

 

A post shared by Georgina Rodríguez (@georginagio) on Jul 17, 2018 at 3:35am PDT

Но, ете и тоа се случи. Моментално е во врска со 23-годишната Георгина Родригез, кој пред неколку месеци му ја роди ќерката Алана Мартина.