Брутално искрена изјава за „Златната топка“

Фудбалерот за врска на Манчестер Сити, Родри изминатата сезона освои се што можеше да се освои и многумина сметаат дека заслужил подобар ранкинг во изборот за „Златната топка“.

„Златната топка“ заврши во рацете на Лионел Меси, а сега Шпанецот го кажа своето мислење.

„Не ме изненадува, таквата ситуација е нормална. Добро знам како функционираат работите со индивидуалните награди. Тие се заосновани на пари, маркетинг и рекламирање…Имаше и други шпански фудбалери кои не го добија тоа што го заслужуваат. Во фудбалот секогаш е најважано што постигнувате како тим“, изјави Родри.

Ќе потсетиме, Родри беше херојот на Манчестер Сити во освојувањето на титулата во Лигата на шампионите бидејќи англискиот гигант со неговиот гол стигна до европскиот трон.