Бруклин го исфрли Ирвинг од тимот затоа што не сака да се вакцинира

Кајри Ирвинг е исфрлен од тимот пред натпреварот со Милвоки затоа што одби да се вакцинира против ковид-19.

Ирвинг нема да може да тренира со соиграчите во Бруклин се додека не го смени ставот и прими вакцини.

„По разгледувањето на ситуацијата донесовме одлука Ирвинг да не тренира и да не игра натпревари. Неговата одлука е лична и ја почитуваме. Сепак, тој избор му оневозможува да биде дел од тимот и нема да дозволиме да биде дел од тренинзите“, стои во клупското соопштение.