Братот на Игуаин: Гонзало не избега, нашата мајка има рак!

Гонзало Игуаин го напушти карантинот на Јувентус и замина за Јужна Америк, меѓутоа тоа напаѓачот не го направил без причина.

Игуаин доби голем број критики затоа што го напушти карантинот во време кога светот се бори со пандемијата на коронавирусот. На критиките на Игуаин преку социјалните мрежи одговори братот на Игуаин, Никола.

„Нашата мајка како и многу други луѓе во светот се бори со ракот. Мојот брат патуваше со дозвола од клубот откако беше докажано дека е негативен на Ковид-19. Како и сите други граѓани тој ги почитуваше мерките на нашиот претседател. Престанете да зборувате. Игуаин не избега“, стои во дел од пораката на социјалните мрежи на братот кој е и агент на фудбалерот на Јувентус.