Бразилецот влезе во историјата на Реал Мадрид

Синоќа фудбалерите на Реал Мадрид ја победија Осасуна со 2:0, двата гола беа дело на талентираните бразилски играчи, Винисиус Жуниор и Родриго Гоеш.

Така Гоеш го запиша и својот дебитански гол за Реал, само минута откако што влезе на теренот на местото на неговиот сонародник Винисиус. Покрај тоа што тоа беше прв гол во дресот на Реал, тој стана и првиот играч роден во 21. век кој се запиша во листата на стрелци на „Кралскиот клуб“.

Одличен почеток за Родриго во Мадрид, Реал направи одличен потег кога го ангажираше од Сантос за 45 милиони евра, бидејќи јасно е дека пред 18-годишниот фудбалер е одлична кариера.