Италијанската фудбалска репрезентација вчера беше поразена од Австрија со 2:0 во пријателски натпревар, а капитенот Леонардо Бонучи уште еднаш по тој натпревар зборуваше колку е болно за Италија што не игра на Светското првенство.
Италијаните не се на Мундијалот поради поразот од Македонија во баражот од 1:0 со голот на Александар Трајковски во Палермо. Фудбалерот на Јувентус не крие дека кај нив разочарувањето и понатаму е големо.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
„Јасно е дека разочарувањето е големо. Дел од нас го гледаа отварањето на Мундијалот и тоа боли. Како да и е не можеме да плачеме за нешто што е минато, не можеме ништо да промениме останува да гледаме само во иднината“, изјави Бонучи.
Верува дека Италија ќе се врати.
„Како што изградивме состав со кој го освоивме Европското првенство откако не се пласиравме на СП така можеме и сега истото да го направиме повторно во Лигата на Нации и квалификациите за ЕП“, изјави дефанзивецот.
Учество во игри на среќа е дозволено за лица со 18+ години. Играј одговорно!