„Бомба“ од ракометот: Потврден новиот клуб на Микел Хансен!

Веста на денот во ракометот ни доаѓа од Данска – Микел Хансен се враќа во татковината!

Еден од најдобрите ракометари во овој момент се враќа во Данска после деценија надвор од татковината. 34 годишниот шутер на Пари Сен Жермен кој многу повеќе успех имаше со националниот потпиша тригодишен договор со Алборг. За Алборг тој ќе игра од летото 2022.

Последен пат во Данска Хансен настапуваше во амбициозниот проект на Копенхаген во 2012 година од таму премина во ПСЖ.

Треба да се спомене дека и покрај тоа што има огромен квалитет и е еден од најдобрите во светот, Хансен нема титула во Лигата на шампионите.