„Бомба“ од Италија: Јувентус ја одреди цената за Роналдо

Италијанските медиуми пренесуваат дека Кристиано Роналдо ова лето најверојатно ќе го напушти Јувентус.

Јувентус има финансиски проблеми и е спремен да го продаде 35-годишниот Португалец бидејќи е свесен дека ова е последна можност да заработи од неговото заминување.

Новиот тренер Андреа Пирло нема да се противи на неговото заминување, а италијанските медиуми тврдат дека „бјанконерите“ веќе ја одредиле цената.

Имено, Јувентус е спремен да го пушти Роналдо за 60 милиони евра, сума која е спремен да ја плати Пари Сент Жермен.

Тоа ќе му овозможи на Јувентус да донесе нова голема ѕвезда во нападот бидејќи ќе заштеди и од високата плата на Роналдо, кој во Торино заработува 33 милиони евра по сезона.