Бејл конечно призна: Лут сум!

Велшкиот репрезентативец и играч на Реал Мадрид, Герет Бејл тврди дека му е тешко тоа што не ја доби наградата.

Бејл зборуваше за заминувањето на Кристиано Роналдо во Јувентус, но и за тоа што не ја доби наградата за гол на годината, па неговите ножички против Ливерпул во финалето од Лигата на Шампионите не беа ниту во конкуренцијата.

„Очигледно е дека сме различен Реал Мадрид, бидејќи немаме така голем играч во составот. Да, точно е и дека е порелаксирано. Сега имаме тим, работиме еден за друг, не за само еден играч. Не можам да верувам дека мојот гол не е на листата. Бев многу лут. Сакам да знам кој ги бира головите. Дали е подобар од голот на Роналдо? Тоа не е прашање за мене“, изјави Бејл.