Бен Арфа: Мурињо и Симеоне го убиваат фудбалот, среќа што постои Барса!

Играчот на ПСЖ, Хатем Бен Арфа вели дека дефанзивниот пристап на Жозе Мурињо и Диего Симеоне го убиваат фудбалот, и дека без Барса фудбалот ќе бил мртов.

На играчот на ПСЖ не му се допаѓа дефанзивниот пристап кој го негуваат Португалецот и Аргентинецот, иако факт е дека со таквиот пристап двајцата имаат многу резултати изминатите години.

„Многу тренери измислуваат фудбал со оправдување дека тие се во потрага на систем со кој ќе го неутрализираат противникот. Но тоа не е суштината на фудбалот“, вели Бен Арфа.

„Тренери како Мурињо, Симеоне имаат филозофија која е спротивна од онаа на Кројф, и со нив повеќе нема простор за задоволство, нема спектакл. Едноставно го убиваат фудбалот“.

„Фудбалот е спактакл, луѓето доаѓаат на стадионите да се забавуваат, мораме да мислиме и на нив. За среќа ја имаме Барселона! Без Барса, фудбалот е мртов“, заклучи Французинот во разговор со „Франс Фудбал“.

Избегал од Африка, спиел по улици, родителите мислеле дека е мртов, па го видоа на ТВ како игра против Милан!