Белоти се поблиску до трансфер во Милан

Андреа Белоти одби да го продолжи договорот со Торино бидејќи сака да ја промени средината на крајот на сезоната.

Торино оваа сезона се бори за опстанок, а Белоти е единствена светла точка во тимот, но веќе го известил раководството дека сака да ја промени средината.

Неговиот договор истекува во 2022 година, па на лето ќе влезе во последната година и Торино ќе мора да го продаде за да заработи на неговото заминување.

Наводно „Петелот“ веќе има договор со „росонерите“ и сака кариерата да ја продолжи во Милан.

Малдини е во потрага по напаѓач за следната сезона, без разлика дали Ибрахимовиќ ќе остане уште една година.