Белорусија ја победи Србија, Германија ја „прегази“ Холандија

Вечерва започна ракометното Европско првенство и на самиот старт Белорусија и Германија запишаа сигурни победи над Србија односно Холандија.

Србите почнаа добро во првото полувреме, но цело време бркаа негатива и на крајот на одмор заминаа со само еден гол разлика (16:15).

Избраниците на Перуничиќ комплетно потфрлија во второто полувреме, па на крајот запишаа убедлив пораз од 35:30.

Фаворитот Германија запиша убедлива победа над Холандија 34:23. Во главна улога беше голманот Волф, кој имаше 12 одбрани на голот. Хефнер и Колбахер со по пет гола беа најефикасни во германскиот табор, а мечот го одбележа црвениот картон на Уве Генсхајмер.