Башакешир го претстави Туран и ги објави деталите од договорот

Башакешир ги откри деталите кога во прашање е трансферот на Арда Туран.

Арда Туран се враќа во Турција како позајмен фудбалер, но овој пат ќе го носи дресот на Башакшир. Турскиот клуб за преостанатите шест месец од оваа сезона, на Туран ќе му исплати два милиони евра, а во наредните две години неговата плата ќе изнесува четири милиони евра годишно.

Додека Башакешир ги објави деталите од Барселона се уште не се огласиле дали ќе исплаќаат дел од платата на Туран која беше најголемата причина поради која Каталонците сакаа да се ослобдат.

Барселона го задржа правото да го продаде Арда Туран до 2020 година, но за такво нешто да се случи мора да се согласи и самиот фудбалер, а познато е дека до овој момент Туран ги одбиваше сите понуди и инсистираше на трансфер во овој клуб.

Сепак, во некој случај доколку Туран направи трансфер во овој период тогаш Башакешир би добил 20% сумата.