Барселона пронајде засилување во Челзи?

Изгледа дека Барселона новото засилување го пронајде во актуелниот шампион на Европа.

На мета на Каталонците е долгогодишниот фудбалер на Челзи, Цезар Азпиликуета на кого договорот му истекува на крајот од сезоната. Барселона со овој трансфер би добила квалитетен фудбалер бесплатно, а наводно и самиот фудбалер нема ништо против трансфер на „Камп Ноу“.

Преговорите според информациите на шпанските новинари веќе започнаа и Барселона е спремна на Азпиликуета да му даде договор на две години со оција истиот да се продолжи на уште една.

Во Челзи Азпиликуета пристигна во 2012 година од Марсеј, а во Ла Лига има искуство настапувајќи за Осасуна која ја напушти во 2010 година. За Челзи одигра вкупно 456 натпревари, постигна 14 гола и запиша 56 асистенции.