Барселона и Реал Мадрид се „тепаат“ за новиот бразилски „дијамант“

Шпанските гиганти, Барселона и Реал Мадрид оваа сезона не играат според очекувањата и губат многу бодови во Примера, па веќе започнаа да работат на засилување на играчкиот кадар.

Како и обично, шпанските гиганти повторно имаат иста трансфер мета, а станува збор за новиот бразилски „дијамант“, Педрињо од Коринтијанс.

Претседателот на Коринтијанс, Андреш Санчез изминатиов викенд беше во Мадрид и се сретна со претседателот на Реал, Флорентино Перез, а главна тема бил токму Педрињо.

За 20-годишниот играч од средниот ред силен интерес покажува и Барселона, но се чини дека Реал е во предност.

„Кралевите“ саката да го купат Бразилецот и да го испратат на позајмица во Ваљадолид, чии сопственик е Роналдо, кој го убедил својот сонародник да го избере Реал пред Барселона.