Барселона и да сака не може да се засилува во јануари

Eкипата на Барселона поради финансискиот фер-плеј нема да може да купува играчи во јануарскиот преоден рок.

Спорткиот директор на каталонците, Деко потврди дека во јануари нема да има нови имиња.

„Финансискиот фер-плеј погоди многу клубови, па и нас. Во овој момент не можеме да купуваме нови играчи, тоа е реалноста“, истана Деко.

Се шпекулираше и дека Чави повеќе не е сигурен на клупата поради лошите резултати во последно време, но шпанскиот стратег ја има поддршката.

„Позицијата на Чави не е загрозена. Има целосна доверба од сите во Барселона. Разочарани сме, но нашиот план не може да се промени поради еден пораз“, изјави Деко.