Барселона за пет милиони евра купи играч од хрватски второлигаш

Според последните информации на хрватските и светските медиуми, Барселона купила играч од Кустошија, тим кој се натпреварува во Втората лига во Хрватска.

Станува збор за Микаил Фаје кој има 19 години и важи за еден од поголемите таленти на својата позиција. Иако станува збор за хрватски второлигаш, Барселона платила сума од пет милиони евра.

Интерес за младиот Сенегалец покажаа и екипите на Борусија Дортмунд и Челзи, но тој се одлучил кариерата да ја продолжи во каталонскиот гигант.

Во редовите на Кустошија тој пристигна оваа сезона и си заминува по само шест месеци и тоа во трансфер од соништата, а од друга страна со овие пет милиони евра хрватскиот второлигаш сигурно си обезбеди буџет за неколку сезони.

Првпат Фаје од скаутите на европските клубови бил забележан во 2019 година кога со Сенегал настапуваше на Светското првенство до 17 години.

🚨 EXCL: Barcelona are set to sign top talented centre back Mikayil Faye from NK Kustosija. Deal done, here we go. #FCB

Born in 2004, linked with Chelsea and BVB — Barça see Faye as a potential future top player. 🔵🔴

Deal agreed on €5m fee plus add-ons, to be signed soon. pic.twitter.com/BwcUvj4jiu

— Fabrizio Romano (@FabrizioRomano) June 11, 2023