Барселона ги продава тревата и седиштата од Камп Ноу

Барселона ќе заработува со продажба на разни предмети од стадионот „Камп Ноу“, а тоа сигурно му е потребно на клубот поради лошата финансиска ситуација.

Во моментов „Камп Ноу“ се реновира, а Барселона домашните натпревари ги игра на стадионот „Монжуик“.

Каталонците решија да заработат од реновирањето, па ќе продаваат одредени предмети од „Камп Ноу“, како седишта и тревата.

Цените за седиште почнуваат од 99 евра, а секој кој поседува сезонски билет би можел да го откупи сопственото столче на кое седел на стадионот.

Навивачите ќе можат да купат и специјални дијаманти (0,50 карати) направени од јаглерод кој беше изваден од почвата на тревникот од последниот натпревар таму – против Мајорка на 28 мај 2023 година. Нивната цена започнува од 499 евра.

Barcelona are selling old Camp Nou seats for up to €300 and grass from €50 in new 'memorabilia' project 💰 pic.twitter.com/hoIEfNl2CE

— Francisca Felix🖤🇳🇬🇨🇦 (@frantosexy) October 26, 2023