Барселона ги победи ѕвездите на Австралија, погодуваа Траоре, Дембеле и Фати 🎥

Фудбалерите на Барселона на крајот од сезоната мораа да одиграат и пријателски натпревар од маркетиншки карактер.

Барса денеска во Сиднеј го совлада „Ол-стар“ тимот од австралиската лига со 3:2.

Барса поведе со голот на Осман Дембеле, Австралијците потоа направија пресврт преку Рајндер и Адама Траоре (да, станува збор за играч со исто име како и Траоре од Барса). До крајот и Адама Траоре на Барселона постигна гол, а во листата на стрелци се запиша и Ансу Фати.

Воедно ова веројатно беше и проштален меч за голем број играчи како Самуел Умтити, Адама Траоре кому му истекува позајмицата и веројатно Осман Дембеле на кого му завршува договорот и според информациите блиску до ПСЖ. Лук Де Јонг исто така се враќа од позајмицата во Севиља, а не е познато дали и Дани Алвес ќе продолжи.