Барселона во Милано договора ново засилување, а Челзи може да ја искомплицира работата

Барселона оваа недела оствари средба со претставниците на Сасуоло во Милано, а тема беше играчот на овој тим, Џереми Бога.

Според „Diario Sport“, Каталонците го искористиле фактот дека пристигнале во Милано за да одиграат натпревар во Лигата на шампионите со Интер за да се сретнат со спортскиот директор на Сасуоло, Џовани Карневели.

Џереми Бога има 22 години и игра на позицијата лево крило, а оваа сезона одигра 14 натпревари и постигна 4 гола.

Тој во Сасуоло пристигна од Челзи во јули минатата година за 3 милиони евра, а тоа е потенцијален проблем за Барселона.

Имено, Челзи има опција да го откупи назад за 4 милиони евра, иако има одиграно само еден натпревар во три сезони на „Стемфорд Бриџ“.