Барса спрема трансфер „бомба“, го сака Жоао Феликс

Шпанските медиуми лансираа вистинска трансфер „бомба“ и тврдат дека Барселона тргнува по ѕвездата на Атлетико Мадрид, Жоао Феликс.

„RAC1“ открива дека Барселона доцна синоќа испратила официјална понуда до Атлетико Мадрид за Жоао Феликс.

Двата клуба преговараа за размена со Антоан Гризман, па тоа може повторно да се актуелизира.

Младиот Португалец пред две години стана четврт најскап фудбалер во историјата, после Нејмар, Мбапе и Кутињо, како и најскапа аквизиција во историјата на Атлетико.

Поради тоа „јорганџиите“ тешко ќе се откажат од него во последните ден од преодниот рок.