Барса се засилува пред да се отвори пазарот: Најскапото засилување се враќа на терените!

Најскапото засилување во историјата на Барселона, Осман Дембеле ќе биде подготвен за дерби натпреварот против Реал Мадрид.

Францускиоит репрезентативец потврди дека наскоро ќе започне со тренинзи што значи дека би можел да заигра на „Ел Класико“ кое ќе се одигра на 23-ти декември.

„Ќе почнам со тренинзи со екипата за две недели. Заздравувањето оди добро”, изјави Дембеле.

Дембеле ова лето пристигна на „Камп Ноу“ за 105 милиони евра како замена за Нејмар, но веднаш се здоби со повреда која го извади од терените подолго време.

Нема сомнеж дека со неговото враќање Барселона ќе биде уште посилна, особено во нападот каде што ќе има повеќе опции.