Барса и Јувентус ремизираа во Далас, погодуваа Дембеле и Кин 🎥

Барселона и Јувентус одиграа 2:2 во пријателскиот натпревар во Далас на стадионот „Котон Боул“.

Каталонците на два пати имаа водство, погодуваше Дембеле во 34. и 40. минута, додека Јувентус два пати возвраќаше преку Моис Кин во 39. и 52. минута.

Првиот гол за Барселона дојде откако Дембеле продре по десната страна и го погоди за водство. Пет минути подоцна Моис Кин го искористи нафрлувањето на Квардадо од левата страна и ја затресе мрежата.

Барселона само една минута подоцна повторно преку Дембеле го врати водството и тоа со сличен гол како и претходниот. Кин во второто полувреме ги постави конечните 2:2.