Барса бара замена за Суарез – ова се фаворитите!

Приоритет на Барселона во летниот преоден рок ќе биде доведување на нов напаѓач, кој ќе може да го наследни Луис Суарез.

Уругваецот наскоро ќе наполни 32 години и иако е незаменлив во тимот, сепак раководството е свесно дека мора што побрзо да најде негов наследник.

„Имам 31 година и за мене е нормално Барселона да бара моја замена. Сите имаме рок на трање“, порача Суарез.

Шпанските медиуми пренесуваат дека на списокот на Каталонците се наоѓаат две имиња од Примера. Првото е Андре Силва кој оваа сезона игра одлично во дресот на Севиља, а е во сопственост на Милан.

Второто име е уригвајскиот репрезентативец Максимилиано Гомез, ко игра фантастично во дресот на Селта.

Цената на двајцата напаѓачи изнесува околу 50 милиони евра.