Баерн се вклучи во трката за играчот на Тотенхем

Еден од најдобрите играчи на Тотенхем, Ерик Дајер се наоѓа на радарот на Баерн Минхен.

Тренерот на Баварците, Карло Анчелоти сака да ја засили средината на теренот, а „фрли око“ на играчот за врска на Тотенхем. Ерик Дајер од почетокот на летниот транфер период се наоѓа на метата на Манчестер Јунајтед, меѓутоа како што стојат работите нема да ја засили екипата на Мурињо.

Германскиот гигант сега сака да го види во своите редови и за неговите услуги се подготвени да платат неверојатни 50 милиони фунти.

Доколку трансферот се реаилизира, Тотенхем ќе добие пари за купување на играчот за врска на Евертон, Рос Баркли, кој е цел на Покетино уште од почетокот на трансфер периодот.