Баерн Минхен ја „краде“ аргентинската ѕвезда

Баерн Минхен е последниот европски гигант кој се вклучи во трката по ѕвездата на Ривер Плата, Јулијан Алварез, пренесуваат германските медиуми.

21-годишниот напаѓач блесна во дресот на Ривер Плата и заврши како најдобар стрелец во аргентинското првенство, па е на мета на многу европски гиганти.

Алварез има договор со аргентинскиот клуб до декември следната година и не планира да го продолжи, па Ривер е спремен да го продаде.

Алварез заврши најдобар стрелец во аргентинското првенство со 17 гола и 8 асистенции, а во договорот со Ривер има откупна клаузула од 25 милиони евра.

За Аргентинецот интерес покажуваат неколку европски гиганти, но фудбалерот самиот призна дека најдобрата понуда ја има од Баерн Минхен.

Се очекува Баварците да ја платат откупната клаузула и да го комплетираат трансферот во јануари.