Баерн Минхен повторно тргнува по Ходсон Одој

Европскиот шампион Баерн Минхен го обнови интересот за талентот на Челзи, Калум Ходсон-Одој, пренесува „Скај Спорт“.

Баварците испратија неколку понуди за 19-годишниот крилен фудбалер уште во јануари, а последната понуда беше 35 милиони фунти.

Меѓутоа, Челзи ги одби сите понуди и успеа да го убеди младиот фудбалер да стави потпис на нов долгорочен договор.

Челзи значително се засили во летниот преоден рок, па јасно е дека нема да има голема минутажа оваа сезона, а тоа сака да го искористи Баерн Минхен.

Баварците во наредните денови се спремни да испратат понуда од 40 милиони евра, а интерес за Англичанецот покажуваат уште Лајпциг и Јувентус.

Bayern Munich have made contact with Chelsea winger Callum Hudson-Odoi over a potential loan deal. Juventus and RB Leipzig are also interested. (Source: Sky Sport) pic.twitter.com/Gbrr2dGujF

— Transfer News Live (@DeadlineDayLive) September 15, 2020