Баерн замената за Алаба ја најде во Мадрид

Баерн Минхен покажува силен интерес за дефанзивецот на Реал Мадрид, Едер Милитао, пренесуваат германските медиуми.

Баварците во 22-годишниот Бразилец гледаат потенцијална замена за Давид Алаба, кој е на излезна врата од клубот.

Договорот на Алаба истекува на крајот на сезоната и ќе си замине како слободен агент, а интересно е дека фаворит за неговиот потпис е токму Реал Мадрид.

Милитао не доби премногу простор за игра оваа сезона со Зинедин Зидан. Тој настапи на само три натпревари и веќе изрази желба да си замине.

Останува да се види дали Баерн ќе испрати понуда уште во јануари или сака да го донесе Бразилецот на лето.