„А Бола“: Реал Мадрид спрема изненадување!

Иако Бруно Фернандеш беше на чекор од Манчестер Јунајтед, трансферот не се реализираше. Се споменуваше потоа Манчестер Сити, но играчот на Спортинг Лисабон остана во клубот.

Сега како што пренесуваат португалските медиуми, поточно „А Бола“ него го следи Зинедин Зидан кој наводно има намера да го засили средниот ред.

Фернандеш е најефикасниот играч за врска во изминатата сезона и на 50 натпревари, постигна 31 гол и запиша 17 асистенции за клубот од Лисабон.

Португалците за неговите услуги бараат 70 милиони евра и таа сума Реал е спремен да ја плати. Прва мета на Реал беше Ериксен од Тотенхем, но Англичаните не сакаат да го пуштат.