Извршниот директор на Атлетико Мадрид, Мигел Анхел Хил Марин, потврди дека тренерот Диего Симеоне сигурно ќе остане во клубот и во наредната сезона.
Мигел Анхел со оваа своја изјава стави крај на шпекулациите дека популарниот Чоло ќе замине од „Винсенте Калдерон“ на крајот од сезоната.
Учиме по најтешкиот пат: Со едукација за заштита и спасување до спречување на трагедии! ↓↓↓
„Тој и наредната сезона ќе биде тренер на Атлетико. Овде е пет години и логично е да остане бидејќи сме презадоволни од неговата работа. Заедно растеме, што значи дека за двете страни е најпаметно да останеме заедно уште многу години“, изјави Мигел Анхел.
Диего Симеоне има договор со клубот до 2018 година, а изминатиот месец започнаа шпекулациите дека тој би можел да замине по завршувањето на сезоната.
Силен интерес за аргентинскиот стратег покажува милански Интер, а шпекулациите се зголемија кога самиот Симеоне призна дека еден ден сигурно ќе ги предводи „нероаѕурите“.
Учество во игри на среќа е дозволено за лица со 18+ години. Играј одговорно!