Атлетико доби дополнително време за купување, денеска заврши голем трансфер

Томас Парти во последниот ден од преодниот рок го напушти Атлетико Мадрид и потпиша за Арсенал.

Ла Лига после тој трансфер му го продолжи преодниот рок на Атлетико Мадрид за да може да донесе нов фудбалер.

Шпанските медиуми пренесуваат дека изборот паднал на Кондогбија, а реализација на трансферот е договорена за денеска.

Французинот утре ќе ги помине лекарските прегледи. Јорганџиите неговиот играчки картон го платиле 10 милиони евра плус два милиони во бонуси.

Кондогбија последните денови воопшто не тренираше со Валенсија поради интензивните преговори. Преговорите завршиле во четвртокот кога му порачал на претседателот на клубот дека сака да замине по секоја цена.