„АС“ тврди: Готово е – Димитриевски има нов клуб!

Aко се верува на шпанскиот реномиран весник „АС“, Столе Димитриевски веќе има нов клуб. Наводно, македонскиот репрезентативен голман веќе се договорил и потпишал преддоговор со екипата на Валенсија.

Според информациите на „АС“ Димитриевски дефинитивно се сели во Валенсија која планира да го продаде Мамардашвили за 30 милиони евра и да го доведе Димитриевски по истекот на договорот без оштета.

Трансферот би бил официјализиран по завршувањето на сезоната, односно по истекот на договорот кој на Димитриевски со Рајо.

Претходно од Шпанија Димитриевски се поврзуваше со Севиља, Виљареал Бетис, а во минатото беше блиску и до потпис со Барселона.