„АС“ најавува големо изненадување: Ќе го гледаме ли најофанзивниот Атлетико во ерата на Симеоне?

Сезонава би можеле да гледаме еден малку поинаков Атлетико Мадрид, пренесува шпански „АС“.

„АС“ пренесува детали од тренингот на „јорганџиите“ и се тврди дека Диего Симеоне со доаѓањето на Гризман испробувал формација со три напаѓачи.

Во нападот биле Гризман, Жоао Феликс и Луис Суарез, новинарите тврдат дека Суарез е најсигурен во првиот тим, но би било чудно ако го видиме Атлетико толку офанзивно.

Меѓутоа сезонава Атлетико има голема конкуренција во нападот своја шанса чека и Матеус Акуња, па ќе биде интересно да се види како Симеоне ќе ги користи овие опции ако се знае дека досега практикуваше подефанзивен стил на игра.

Прва прилика да видиме ваков Атлетико ќе биде против Еспањол, овој дуел се игра во недела од 14:00 часот.