АС го открива планот на Шпанците: За Мбапе ќе бидат задолжени четворица

AС го открива големиот план на селекторот на Шпанија Луис Де ла Фуенте за утрешното полуфинале на ЕП против Франција.

„Повредата на Педри и суспензиите на Ле Норманд и Карвахал го принудуваат тренерот да измисли нов тим за меч достоен за финалето.

Начо ќе го замени Ле Норманд на централната бековска позиција, Олмо ќе игра во средината наместо Педри, но најголемото изненадување е на десниот бек.

Таму Карвахал ќе биде заменет со Хесус Навас. „Тоа е голема вест бидејќи не се работи само за офанзивец, туку и за 38-годишник. Шпанците пишуваат дека Де ла Фуенте, ветеранот кој одигра комплетен, но незначаен натпревар против Албанија и девет минути против Грузија на ЕП, го гледа како идеален да го запре Мбапе од неколку причини:

„Мбапе не игра добро на ЕП, меѓу другото и поради скршеницата на носот, поради што не може да издржи цел натпревар, особено не продолженија. Затоа тренерот го испраќа Навас, познат по борбеноста, решителноста и посветеноста“.

АС додава: „Многу е тешко да се замени Карвахал на позицијата десен бек, кој своите одлични игри минатата сезона за Реал ги преточи во националниот тим.

На стариот Навас ќе му помогнат дури четворица соиграчи
Навас, пак, е офанзивен играч, познат по пробивањето на страна и префрлањето на топката. Но, тоа не значи дека ја игнорира дефанзивната фаза. Многупати докажа дека за него нападот е најдобра одбрана. На крајот на краиштата, неговата брзина ги принудува напаѓачите на негова страна да играат одбрана“.

Но, мадридскиот весник додава: „Факт е и дека Навас дебитираше за Шпанија уште во 2009 година. Потоа имаше големи паузи во настапите за репрезентацијата, па ова му е само второ ЕП, додека споменатото СП 2010 г. е единствениот во неговата кариера“. Затоа, како што посочува, ветеранот ќе има голема и бројна помош: „Во запирање на Мбапе ќе биде поддржан од Начо и Родри со помош на Лапорте и Олмо“.